МҮОХ-ноос олимпын өдрийг угтсан цуврал арга хэмжээний хүрээнд “Ханжоу-2022 Азийн наадмыг хэн сайн мэдэх вэ” гар зургийн уралдааныг 13 хүртэлх насны хүүхэд багачуудын дунд зарласан. Уралдаанд 100 гаруй бүтээл ирсэн бөгөөд шилдэг оролцогчид өчигдөр олимпын аварга, МҮОХ-ны ерөнхий нарийн бичгийн дарга Э.Бадар-Ууганаас шагналаа гардан авлаа.

      Уралдааны тэргүүн байрт 105-р сургуулийн 5-ын “Ё” ангийн сурагч А.Анаржин, 31-р сургуулийн 7-р ангийн сурагч М.Рид нарын бүтээл шалгарав. 2-6-р байрт Дорнод аймгийн Хэрлэн сумын 1-р сургуулийн сурагч Г.Өнөрцэцэг, А.Хулан, 20-р сургуулийн сурагч Х.Мандахнар, 14-р сургуулийн сурагч Б.Үжингуа, мөн тус сургуулийн сурагч Б.Билгүүнсар нарын бүтээл орлоо.

       Шагналт байрт Гүн галуутай цогцолбор сургуулийн сурагч Б.Хонгорзул, 53-р сургуулийн сурагч Х.Мөнхсувд, 2-р сургуулийн сурагч Т.Аялгуу, 14-р сургуулийн сурагч Ч.Хатанбулаг, “Боловсрол” цогцолбор сургуулийн сурагч Г.Энхлүүн нарын бүтээл шалгарсан байна.

     Шилдгээр шалгарсан авьяаслаг сурагчдыг өргөмжлөл, мөнгөн шагнал, үнэ бүхий зүйлээр шагнаж урамшуулжээ. Уралдааны шилдэг бүтээлүүдийг Ханжоугийн Азийн наадмын үеэр Монголын багийн штабт байрлуулахаас гадна Ази тивийн бусад улс орны хүүхдүүдийн ирүүлсэн бүтээлийн хамт үзэсгэлэнд тавигдах юм.