Сэлэнгэ аймгийн төвд спортын мастер Г.Мягмар дасгалжуулагч “Таван Хан” жүдо академийг ажиллуулаад өдгөө таван жилийн нүүрийг үзжээ. Энэ хугацаанд олон сайн жүдочин хүүхдүүдийг бэлтгэн гаргасан. Тэдний нэг нь “Таван Хан” жүдо академийн тамирчин, өсвөр үеийн жүдо бөхийн Монгол Улсын гурван удаагийн аварга М.Энхбилэг юм. Тэрбээр дэлхийн аварга Маруяма Жоширогийн аав болох дасгалжуулагч Кенжи Маруямагийн удирдлага дор жүдо бөхийн эрдэмд суралцахаар арлын Япон орон руу явж байна.