Киргизстан Улсын Бишкект болж буй “U23” насны Азийн аварга шалгаруулах тэмцээний эмэгтэйчүүдийн 72 кг-ын жинд Доржсүрэнгийн Цогзолмаа хүрэл медаль хүртэв. Тэрбээр хэсгийн барилдаанд 3:3-аар ялагдсан Казахстаны Анастасия Панассовичтэй медальтай үлдэх эсэхээ шийдэх барилдаанд дахин таарч 7:6-гаар ялсан.

Д.Цогзолмаа 2019 онд нутгийнхаа дэвжээнд хүрэл медаль хүртэж байсан бол дөрвөн жилийн дараа амжилтаа давтлаа. Ийнхүү Бишкекийн дэвжээнд барилдсан манай гурван эмэгтэй бөх маань нэг алт, хоёр хүрэл медаль хүртсэн байна.