Хан-Уул дүүргийн Засаг даргын 2021-2024 онд хэрэгжүүлэх “Эко-Эрүүл дүүрэг” үйл ажиллагааны хөтөлбөрийн хүрээнд нутгийн захиргааны байгууллагуудын албан хаагчдын дунд спортын тэмцээн уралдаан зохион байгуулж эхэллээ. Ажилчин албан хаагчдыг биеийн тамир, спортоор хичээллэх, идэвх санаачилгыг дэмжих, хөдөлгөөний дутагдлаас урьдчилан сэргийлэх, байгууллагуудын биеийн тамир, спортын хамтлагийн үйл ажиллагааг идэвхжүүлэх зорилгоор зохион байгуулаа юм.

      Хан-Уул дүүргийн Засаг даргын нэрэмжит спортын таван төрөлт тэмцээн “Дартс”-ын төрлөөр эхэллээ. Дүүргийн Засаг даргын нэрэмжит тэмцээнд нийт 24 байгууллагын 600 гаруй ажилтан, албан хаагчид хүч чадал, авхаалж, самбаагаа сорин өрсөлдөхөөр бүртгүүлсэн бөгөөд тэмцээн дараах төрлүүдээр үргэлжлэн явагдана. Үүнд: Дартсын тэмцээн: /2023.06.13/-ны өдөр “Шинэ тэрэг” дартсын клубийн зааланд болно. Шатрын тэмцээн /2023.06.14/ -ний өдөр Нийслэлийн ерөнхий боловсролын 75 дугаар сургуулийн урлаг зааланд явагдана.

     Волейболын тэмцээн /2023.06.16/ -ны өдөр Хан-Уул дүүргийн Биеийн тамир, спортын хороо, Нийслэлийн ерөнхий боловсролын 75 дугаар сургуулийн спорт зааланд, /2023.06.17/-ны өдөр “Шинэ Монгол Харүмафүжи” сургуулийн спорт зааланд болно.  Корнхолын тэмцээн /2023.06.17/-ны өдөр “Шинэ Монгол Харүмафүжи” сургуулийн спорт зааланд явагдана. Харин сагсан бөмбөгийн (3X3)-ийн тэмцээн: /2023.06.18/-ны өдөр “Шинэ Монгол Харүмафүжи” сургуулийн спорт зааланд тус тус зохион байгуулагдаж, шилдгүүдээ тодруулна.