Ширээний теннисний ахмадын Азийн аварга шалгаруулах анхдугаар тэмцээн манай улсад зургадугаар сарын 18-23-ны өдрүүдэд болно. Одоогоор Хятад, Солонгос, Иран, Саудын Араб, Сингапур, Энэтхэг, Киргизстан, Казахстан Улсын тамирчид мэдүүлгээ өгөөд байна. Мөн Азийн анхдугаар тэмцээнийг дэмжиж “Буянт-Ухаа” клубийн дасгалжуулагч Н.Бөхболд түүний гэр бүл Д.Энхтүвшин нар 500.000 төгрөгийн хандивийг Монголын ширээний теннисний холбоонд гардуулан өгч ахмад тамирчдадаа уриалжээ.

          Дорнод аймгийн Ширээний теннисний холбооны тэргүүн Б.Баярцогт, нарийн бичгийн дарга Л.Батсайхан нар алс холоос зорин ирж Азийн аварга шалгаруулах тэмцээний зохион байгуулах хорооны ажлийн явцтай танилцаж Монголын ширээний теннисний холбооны гишүүний батламжаа гардан авч, дэмжихээ илэрхийлсэн байна. Азийн ширээний теннисний холбоо тэмцээнийг зохион байгуулах хорооноос Монгол Улсаас оролцох тамирчдын мэдүүлэг авах хугацааг сунгаж зургадугаар сарын 9-ний өдрийн 23.00 цаг хүртэл авахаар болжээ.