Монголын чөлөөт бөхийн холбооноос Серби Улсын Белград  хотод болох насанд хүрэгчдийн 2023 оны дэлхийн аварга шалгаруулах тэмцээнд оролцох тамирчдыг сонгон шалгаруулах сорилго тэмцээнийг хийхээр болжээ. Тус сорилго барилдааныг долдугаар сарын 29-30-ны өдрүүдэд хийхээр зарлаж байгаа юм. Харин тамирчид энэхүү сорилго барилдааныг эсэргүүцэж байна.

             Монголын чөлөөт бөхийн холбоо яагаад стратеги төлөвлөгөөтэй ажиллаж болдоггүй юм бэ. Бүхэл бүтэн 60 жилийн түүхтэй спортын холбоо байж гаргаж байгаа шийдвэр нь 1-2 сар эсвэл бүр 20-хон хоногийн өмнө шийдвэр гаргах юм. Өнгөрсөн жил дэлхийн чансааг тэргүүлээд ирээд байж байхад 20-хон хоногийн дараа  улсын аварга шалгаруулах тэмцээн болно гэсэн ам яриа явж байгаад л улсын аварга болсон. Ямар ч тэмцээний заавар дүрэм журам цаасан дээр гараагүйгээр УАШТ зохиогдсон. Түүнээс болж асар их хөлс хүч хөрөнгө санхүүгээ алдаж олон тамирчин хохирсон.

           Анхнаас нь (оны эхнээс бүх дүрэм журмаа гаргаад явсан бол хэн ч энэ зүйлтэй санал зөрөхгүй) байлаа. Гэтэл ямар ч сураг чимээгүй байж байгаад гэнэт л хэн нэг дуртай хүн нь дүрэм журам гаргаад байж болохгүй. Монгол Улсын аваргадаа түрүүлсэн тамирчдыг эртнээс бэлтгэл сургуулилалтыг бэлдэх боломжийг нь бүрдүүлж өгч болдоггүй юм уу гэж эсэргүүцлээ илэрхийлж байна.