Өвөрхангай аймгийн БТСХ-ны хүндийн өргөлт, самбо, жүдо, таэквондо, үндэсний бөх, чөлөөт бөхийн тамирчин хүүхдүүд “Эерэг хандлага-Эрүүл нийгэм” аяны хүрээнд спортын эерэг хандлагыг бий болгож эхэллээ.Тамирчин хүүхдүүд “Бие биедээ мэндлэх, хүндлэх, талархах” дадлыг хэвшүүлж, бэлтгэлийн зааланд зориулалтын хувцсаа өмсөж, бэлтгэл сургуулилалтаас бусад үед биеийн тамирын хувцас, пүүз өмсөхгүй байлгах соёлыг түгээж байна. Мөн бэлтгэл, сургуулилалтын товлосон цагт хоцрохгүй ирэх, бэлтгэлийн үр өгөөжийг дээшлүүлэн үр дүнд хүрэх дадлыг тус тус хэвшүүлэхийг эрмэлзэж байгаа ажээ.