Монголын боксын холбоо байгуулагдсан үеэс хойш дэлхийн аварга шалгаруулах тэмцээнээс нэг дор эмэгтэйчүүдийн насанд хүрэгчдийн ДАШТ-ээс нэг мөнгө, нэг хүрэл, эрэгтэйчүүдийн насанд хүрэгчдийн ДАШТ-ээс мөн нэг мөнгө, нэг хүрэл медаль авсан тохиолдол энэ онд тохиолоо. Тус холбоо баг, тамирчдаараа бахархаж байгаагаа онцлов.

           Монголын боксын холбооноос ДАШТ-ээс мөнгөн медаль хүртсэн ОУХМ Б.Чинзориг, ОУХМ Л.Алтанцэцэг нарын амжилтыг хоёр өрөө орон сууцаар мялаав. Мөн дэлхийн аваргаас хүрэл медаль хүртсэн ОУХМ Б.Мишээлт, ОУХМ М.Энхжаргал нарын амжилтыг автомашинаар мялаалаа.Үүнээс гадна Монголын боксын холбоо энэ ДАШТ-ээс эхлэн цаашид тив, дэлхийн тэмцээнд амжилт үзүүлсэн тамирчдынхаа бай шагналаас татвар авахгүй байх шийдвэр гаргалаа.