Олон улсын хүүхдийн эрхийг хамгаалах өдөрт зориулсан "Монгол хүүхдүүд" баярын арга хэмжээ өнөөдөр Сүхбаатарын талбайд болов. Тус өдөрлөгт Монголын шатрын холбооны хүүхдүүд оролцов. Тэд  Урлагийн гавьяат зүтгэлтэн Ц.Пүрэвхүүгийн ая, Соёлын гавьяат зүтгэлтэн Дарь.Сүхбаатарын үг “Өсвөрийн шатарчдын сүлд дуу "ЦОДГОР ХҮҮ" дууг эгшиглүүллээ. Энэхүү дууны ард өсвөрийн шатарчдын төлөөлөл 40 орчим хүүхэд оролцож, төв талбайд зочилж Нийслэлийн Засаг дарга бөгөөд Улаанбаатар хотын захирагчийн бэлгийг хүлээн авлаа. Энэхүү өдөрлөгийг УГЗ Ц.Пүрэвхүү санаачилж Монголын шатрын холбооны ерөнхийлөгч Э.Гурванбаатар, тэргүүн дэд ерөнхийлөгч Б.Наранбаатар, дэд ерөнхийлөгч Х.Цэрэнбат, ерөнхий нарийн бичгийн дарга Х.Эрдэнэдорж нар зохион байгуулж оролцсон байна.