Монгол Улсын ерөнхийлөгчийн санаачлагаар 2023 оны тавдугаар сарын 31-ний өдөр “Эрүүл Монгол Хүн” үндэсний фестиваль Сүхбаатарын талбайд зохион байгуулагдлаа. Уг арга хэмжээг Ерөнхийлөгчийн Тамгын газар, Биеийн тамир, спортын улсын хороо, Нийгмийн эрүүл мэндийн үндэсний төв, Дэлхийн эрүүл мэндийн байгууллага хамтран зохион байгуулав. Мөн нийтийн биеийн тамирын чиглэлээр үйл ажиллагаа явуулдаг 23 холбооны 1500 гаруй гишүүн, тамирчид, бүжигчид сагсан бөмбөгийн 3х3, нүүрний болон оффис иог, гар дээр суниалт, гүйлт, шугаман бүжиг, “Үүрээ данс”, ширээний теннис, даам, фитнесс бодибилинг, дугуй, скэйтборд, турник, таэквондо, цана, модон барилдаан, гар дугуй, тэргэнцэртэй гүйлт зэрэг төрлөөр тэмцээн болон үзүүлэн тоглолт хийлээ