Ховд аймгийн Засаг дарга Э.Болормаагийн ивээл дор зохион байгуулагдсан "Ховд-2023" шатрын насанд хүрэгчдийн Монгол Улсын аварга шалгаруулах тэмцээн өндөрлөв. Эрэгтэйчүүдийн 61, эмэгтэйчүүдийн 53 дахь удаагийн УАШТ  Ховд аймгийн Ховд хотноо тавдугаар сарын 19-30-ны өдрүүдэд амжилттай зохион байгуулагдав. Улсын аваргад хагас шигшээ шатнаас шалгарсан шилдэг 24 тамирчин, нээлттэй, эмэгтэй ангилалд 12 хоногийн турш шударга сайхан өрсөлдөж дүнгээ гаргалаа.

НЭЭЛТТЭЙ АНГИЛАЛ:

Тэргүүн байрт: "Элит брейн" академийн тамирчин Дэлхийн шатрын холбооны мастер М.Амилал.

Дэд байрт: Өвөрхангай аймгийн "Их заргач" клубийн дасгалжуулагч их мастер Г.Мөнхгал.

Гуравдугаар байрт: Ховд аймаг, "Гэгээн арвай" клубийн тамирчин олон улсын мастер С.Ган-Эрдэнэ.

Шагналт дөрөвдүгээр байрт: Завхан аймгийн, "Гэгээн арвай"клубийн тамирчин олон улсын мастер Г.Амартүвшин.

Шагналт тавдугаар байрт: Ховд аймаг, олон улсын хэмжээний мастер С.Чингүүн

ЭМЭГТЭЙ АНГИЛАЛ:

Тэргүүн байрт: Төв аймаг, "Хан -Алтай" клуб, 52-р сургуулийн тамирчин спортын дэд мастер Э.Хүслэн.

Дэд байрт: "Говь-Алтай" аймгийн, "Босоо ноён" клубийн Дэлхийн шатрын холбооны дэд мастер Х.Баясгалан

Гуравдугаар байрт: Завхан аймгийн "Гэгээн Арвай" клубийн тамирчин Дэлхийн шатрын холбооны дэд мастер Б.Энхсаран.

Шагналт дөрөвдүгээр байрт: Орхон аймгийн "Хангарьд" клубийн тамирчин Дэлхийн шатрын холбооны дэд мастер Б.Мөнгөнзул.

Шагналт тавдугаар байрт: Өмнөговь аймаг, "Стейниц " Монголын шатрын академи, 31-р сургуулийн тамирчин спортын дэд мастер Э.Энхрий нар тус тус шалгарлаа.

       Энэхүү тэмцээний үеэр Монголын Үндэсний олимпын хорооны болон БТСУХ-ны шагналуудыг Ховд аймагт шатрын спортыг хөгжүүлэхээр зорьж байгаа эрхмүүдэд олголоо. Тэмцээний хаалтын ажиллагааны үеэр Ховд нутгаас төрөн гарсан шатрын спортын мастеруудад Ховд аймгийн Засаг даргын тамгын газар, Ховд аймгийн Иргэдийн төлөөлөгчдийн хурал, Ховд аймгийн Зэрэг сумын удирдлагууд хүндэтгэл үзүүллээ.