Ховд аймагт болсон шатрын 61 дэх удаагийн эрэгтэйчүүдийн насанд хүрэгчдийн улсын аварга шалгаруулах тэмцээнд "Зууны шатар" клубийн тамирчин, дэлхийн шатрын холбооны мастер 16 настай тамирчин Мөнхдалайн Амилал Монгол Улсын 33 дахь аваргаар тодров. Монголын шатрын түүхэнд 16 настайдаа хамгийн залуу улсын аваргаар тодорсон М.Амилал 11 өргөөс нэг ч хожигдолгүй 8.5 оноогоор алтан медалийн эзэн болжээ.