Орхон аймгийн “Хангарьд” спортын ордонд энэ сарын 11-14-ний өдрүүдэд Атлантын олимпын хүрэл медальт, жүдо бөхийн Ази тивийн анхны аварга, МУГТ Д.Нармандахын нэрэмжит жүдо бөхийн өсвөр үеийн олон хотын тэмцээн болж байна. Тэмцээнд 47 багийн 1500 гаруй өсвөрийн жүдочид хурд ,хүч, авхаалж самбаагаа сорин өрсөлдөж байгаа юм.

        Тэмцээний эхний өдөр бага насны ангиллын тамирчид өрсөлдөж дүнгээ гаргалаа. Бага насны ангилалд “Чандмань-Оргил” дэвжээнээс хөвгүүдийн 42 кг жинд Г.Алтанбагана, 55 кг жинд Э.Хувьзаяа, охидын 44 кг жинд Б.Бумхишиг нар түрүүлэн алтан медаль авч аварга боллоо. Мөн охидын 52 кг жинд Б.Анхгэрэл хүрэл медаль хүртэж эрэгтэй багийн дүнгээр Чандмань-Оргил” дэвжээнээ хоёрдугаар байрт, эмэгтэй багийн дүнгээр гуравдугаар байрт тус тус шалгарлаа.