Өсвөрийн бөхчүүд ОХУ-ын тэмцээнээс зургаан медаль хүртэв

2023-05-01, 242

ОХУ-ын Сахалин арлын Невельск хотод “Горняк-1” чөлөөт бөхийн өсвөр үеийн цомын төлөөх тэмцээн болжээ. Тус тэмцээнд чөлөөт бөхийн төрөлжсөн сургалттай нийслэлийн 73 дугаар сургуулийн багш Ж.Дандарын удирдлага дор өсвөрийн арван тамирчин эх оролцож хоёр алт, хоёр мөнгө, хоёр хүрэл медаль хүртжээ.

Тэмцээний 60 кг-ын жинд аваргалсан “Төгс” дэвжээний тамирчин А.Даваадорж “Шилдэг техниктэй бөх”-ийн шагналаар шагнагдав. Энэхүү тэмцээний үеэр дэлхийн аварга Ирбек Фарниев, Заурбек Сохиев, Европын аварга шалгаруулах тэмцээний хошой хүрэл медальт Вадим Лалиев гээд хойд осетийн алдартай бөхчүүд мастер класс сургалтыг зохион байгуулсан байна.

Медаль хүртсэн тамирчид:

А.Даваадорж (Төгс дэвжээ) - 60 кг-д алт.

Б.Амгалан (73 дугаар сургууль) - 110 кг-д алт.

Ч.Нямжав (Орхон, Ирээдүйн одод) - 80 кг-д мөнгө.

Т.Лхагвадорж (73 дугаар сургууль) - 110 кг-д мөнгө.

Б.Билгүүнтөгөлдөр (73 дугаар сургууль) - 55 кг-д хүрэл.

А.Балжинням (73 дугаар сургууль) - 92 кг-д хүрэл медаль хүртжээ.

Өсвөрийн бөхчүүд ОХУ-ын тэмцээнээс зургаан медаль хүртэв

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0

Шинэ мэдээ

Нийтлэлчид