Сингапур Улсад зохион байгуулагдсан спорт өрөлтийн дэлхийн аварга шалгаруулах тэмцээнд 17 орны 370 гаруй тамирчид оролцсон байна. Энэ удаагийн тэмцээнд Монгол Улсаас 40 тамирчин амжилттай оролцож 27 үндсэн медаль, 48 финалын хүрэл медаль хүртсэн амжилттай эх орондоо иржээ.

          Үүнээс Дархан салбараа төлөөлж оролцсон дөрвөн тамирчин финалын 10 хүрэл медалийн эзэд болж чадсан байна. Тэд тус тэмцээнд оюуныг дэмжин мөнгөн дэмжлэг үзүүлсэн аймгийн засаг дарга Б.Азжаргалд “Оюунлаг Оюуны Ундраа” ТББ-ын зүгээс талархал илэрхийллээ.

            "Оюунлаг Оюуны ундраа" ТББ нь Монголын оюун ухааны академийн дэргэдэх Монголын спорт өрөлтийн холбоотой хамтран улс орон даяар спорт өрөлтийг суртачлан таниулах хүүхэд залуусын нөөц боломжийг нээж, шилдэг тамирчдыг бэлтгэн олон улсын тэмцээн уралдаанд оролцох боломжийг олгож эх орноо олон улсад амжилттай сурталчилж байна.