Спортын удирдах ажилтны семинар Дундговь аймагт эхэллээ

2023-04-26, 211

МҮОХ-ноос ОУОХ-ны “Эв санааны нэгдлийн хөтөлбөр”-ийн хүрээнд спортын удирдах ажилтны сургалт семинарыг Дундговь аймгийн Мандалговь хотноо зохион байгуулж байна. Энэ дөрөвдүгээр сарын 24-26-ны өдрүүдэд үргэлжлэх энэхүү сургалт семинарт Дундговь аймгийн төвийн болон сумдын 14 ерөнхий боловсролын сургуулийн 24 багш, арга зүйч хамрагдаж байна.

Семинарын нээлтэд МҮОХ-ны ерөнхийлөгч, ОУОХ-ны гишүүн Б.Баттүшиг оролцож, олимпын үнэт зүйлсийн боловсролын хөтөлбөрийн талаар мэдээлэл өгч, нийт оролцогчдод амжилт хүслээ. Семинарын хоёр дахь өдрийн арга хэмжээнд МҮОХ-ны тэргүүн дэд ерөнхийлөгч Ч.Наранбаатар оролцон “Олимпын боловсрол ба бие бялдрын хүмүүжил” сэдэвт болзолт уралдааны талаар мэдээлэл өгч, Дундговь аймгийн спорт, олимпизмын зүтгэлтнүүдтэй цаашид олон зүйл дээр хамтран ажиллахаа илэрхийлэв.

Энэ удаагийн сургалт семинар МҮОХ-ноос эмхлэн гаргасан спортын удирдах ажилтны гарын авлагын сэдвүүдийн хүрээнд болж буй. Мөн олимпын үнэт зүйлсийн боловсролын хөтөлбөрийг танилцуулж, сурагчдад энэ төрлийн боловсролыг хэрхэн олгох талаар мэдээлэл хүргэлээ.

Спортын удирдах ажилтны семинар Дундговь аймагт эхэллээ

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0

Шинэ мэдээ

Нийтлэлчид