Дэлхийн сонирхогчдын боксын ертөнц хоёр хуваагдаад байна. Олон улсын сонирхогчдын боксын холбооноос “IBA” боксын ДАШТ, тивийн аваргын тэмцээнүүдийг зохион байгуулж байгаа ч тэд олимпын эрхийн тэмцээнийг зохион байгуулах эрхгүй.

          Тэгвэл АНУ, Их Британи болон тэдний холбоотон улсууд  Олон улсын сонирхогчдын боксын холбооноос (IBA) гарч, “World Boxing” нэртэй шинэ холбоо байгуулсан байна. Одоогийн байдлаар шинэ холбоонд АНУ, Герман, Их Британи, Нидерланд, Филиппин,  Швед Улсууд элсээд байгаа аж. “World Boxing” холбоо гол зорилгоо “Боксын спортын олимпын хөтөлбөрт үлдээх, үнэн шударга тэмцээн уралдаан зохион байгуулах” гэж мэдэгджээ.

        Харин “IBA” холбоо шинэ холбоо байгуулсан явдлыг боксын спортыг хагалан бутаргах гэсэн оролдлого гэж нэрлээд “World Boxing” холбоонд элссэн үндэсний холбоодыг “IBA” холбооны гишүүнчлэлээс хасна гэдгийг анхааруулсан .