Засгийн газрын тохируулагч агентлаг Биеийн тамир, спортын улсын хороо болон Олимп нийтийн биеийн тамир спорт, үндэсний спортын хороо хамтран "Эерэг хандлага- Эрүүл нийгэм" аяныг энэ сарын 1 өдрөөс эхлүүлсэн билээ.

     Энэ аяны хүрээнд ХУД-ийн БТСГ-ынхан  биеийн тамир, спортын салбарын ажиллагсад , тамирчин дасгалжуулагч, шүүгчийн ёс зүй, соёл харилцаа, хандлагыг дээшлүүлэх зорилгоор олон ажлыг зохион байгуулж байна. Тус аяны хүрээнд ХУД-ийн БТСГ-ын хамт олон нэгдэж “Төрийн албан хаагчийн ёс зүй” сэдвээр сургалт зохион байгуулжээ.

      Сургалтын хүрээнд төрийн албан хаагчийн ёс зүйн дүрэм, төрийн албан хаагчийн үүрэг, хариуцлага, эрхэмлэх зүйлсийн талаар ярив. Сургалтыг Харилцаа ёс зүй, боловсролын багш Б.Эрдэнэдулам энэ сарын 10-ны өдрийн 10:00 цагт хийжээ. Сургалтад  БТСГ-ын ажилтан,албан хаагчид идэвхтэй хамрагджээ.