Монголын үндэсний олимпын хороо, Монгол Улсын Засгийн газрын тохируулагч агентлаг Биеийн тамир, спортын улсын хороо, Засгийн газрын хэрэгжүүлжгч агентлаг Боловсролын ерөнхий газар, Монголын үндэсний олимпын академи хамтран нийт ЕБС- ийн дунд “Олимпын боловсрол ба бие бялдрын хүмүүжил” сэдэвт болзолт уралдааныг нэгдүгээр сарын 10-аас тавдугаар сарын 10-ыг хүртэлх хугацаанд зохион байгуулж байна.

      Энэхүү болзолт уралдаан нь дөрвөн үе шаттай бөгөөд сүүлийн үе шат нь өнөөдөр буюу дөрөвдүгээр сарын 10- ны өдөр эхлэж байна. Манай улсын бараг бүх аймаг, дүүргийн олон зуун ЕБС, олимпын танхимууд болзолт уралдаанд оролцож байгаа нь өсвөр үед олимпын соёл, үнэт зүйлс болон олимпын боловсролыг эзэмшүүлэх үйл ажиллагааг бие бялдрын хүмүүжил, биеийн тамирын хичээлтэй уялдуулсан шинэлэг хэлбэрийн энэхүү арга хэмжээний ач холбогдлыг улам бүр нэмэгдүүлж байна.