Сингапур Улсад энэ сарын 7-9-ний өдрүүдэд  зохион байгуулагдсан спорт өрөлтийн дэлхийн аварга шалгаруулах тэмцээнд 17 улсын 367 тамирчин 13 насны ангилалд өрсөлджээ. Тэмцээн “Ганцаарчилсан”, “Хос”, “Багийн буухиа” болон “Гэр бүл” гэсэн үндсэн дөрвөн төрлөөс гадна улс бүрийн шилдэг эрэгтэй, эмэгтэй тамирчид болон багийн өрсөлдөөнүүд явагдаж тэмцээнийг маш сонирхолтой болгож чадлаа.

          Энэ удаагийн тэмцээнд Монгол Улсаа төлөөлөн Улаанбаатар хот болон орон нутгаас шалгарсан шигшээ багийн 5-58 насны 39 тамирчин оюун ухаан, хурд, авхаалж самбаагаараа өрсөлдөж 27 медаль хүртлээ. Ийнхүү Монгол Улсын шигшээ баг 2021 онд болсон дэлхийн аваргын тэмцээнээс таван медаль хүртэж байсан бол энэ удаа медалийн хур буулгаж чадлаа.