Ази тивийн хошой аварга Даваасамбуугийн Дэлгэрнямын төрсөн өдөр өнөөдөр тохиож байна. Тэрбээр 1990 оны дөрөвдүгээр сарын 8-ны өдөр Өвөрхангай аймгийн Арвайхээр суманд төржээ. Төв аймагт өссөн хүн. Дунд сургуулиа Төв аймгийн тавдугаар сургуульд суралцаж төгсөөд Шинжлэх ухаан техникийн их сургуульд элсэн суралцсан.

      Д.Дэлгэрням монголын 3х3 сагсан бөмбөгийн шилдэг тамирчдын нэг. Биеийн өндөр 193 см,  биеийн жин 93 кг. Сагсан бөмбөгийн спортын мастер цолтой. Төвийн тоглогч, хүчний довтлогч. Азийн элсний наадмаас 2012 онд хүрэл медаль , 2012 оны Азийн оюутны аварга шалгаруулах тэмцээний хүрэл медаль хүртсэн.

       Мөн Азийн аварга шалгаруулах тэмцээнээс 2017 онд алт, 2018, 2019 онд мөнгө, 2023 онд алтан медаль хүртсэн, дэлхийн гран при, гранд слам тэмцээнд гуравдугаар байрт шалгарсан амжилт гаргаад байгаа. Түүнийг гадны тамирчид, сагсан бөмбөгийн тайлбарлагчид “Mongolian Monster” гэж хочлон дууддаг юм билээ.