Монгол Улсын оюутны аварга шалгаруулах 2023 оны тэмцээн, спортын 11 төрлөөр дөрөвдүгээр сарын 6-аас, тавдугаар сарын 7-ны өдрүүдэд Улаанбаатар хотноо зохион байгуулагдаж эхэллээ. Энэ удаагийн тэмцээнээс шалгарсан тамирчдыг энэ оны долдугаар сарын 28-аас БНХАУ-ын Чендү хотноо явагдах дэлхийн оюутны спортын зуны XXXI универсиад их наадамд оролцуулах юм.

        Өчигдөр ширээний теннисний тэмцээн “Оч” клубт эхэллээ. МУИС-ийн  Биеийн тамирын тэнхимийн ахлах багш, олон улсын шүүгч Д.Түмэнтөгс дасгалжуулагчтай ХШУИС-ийн нэгдүгээр түвшний оюутан, дэд мастер Б.Мана-Эрдэнэ, ХШУИС-ийн комьпютерийн сүлжээний хоёрдугаар түвшний оюутан, дэд мастер Н.Цэрэндорж, ХШУИС-ийн нэгдүгээр түвшний оюутан Ч.Тэмүүжин, БС-ийн Санхүүгийн  дөрөвдүгээр түвшний оюутан спортын мастер М.Ундрам, ХЗС-ийн Эрх зүйн хоёрдугаар түвшний оюутан Ц.Бямбагэрэл нарын МУИС-ийн ширээний теннисний оюутны шигшээ баг оролцож байна.