Эмэгтэй хөл бөмбөгийн "Парис-2024" олимпын эрхийн төлөөх Азийн бүсийн эхний шатанд оролцож буй Монголын хөл бөмбөгийн эмэгтэйчүүдийн шигшээ баг "D" хэсгийн эхний тоглолтоо Сингапур Улсын багтай Тайландын Чонбури хотод хийлээ. Тус тоглолтод манай охид өрсөлдөгч багтайгаа 2:2-оор тэнцсэн байна. Монголын багийн хоёр гоолыг шигшээ багийн довтлогч Нармандахын Намуунаа хийжээ. Тэрбээр тоглолтын эхэнд болон хоёр дахь үеийн 94 дэх минутад гоол оруулсан байна. Манай эмэгтэй баг хэсгийн сүүлийн тоглолтоо дөрөвдүгээр сарын 7-ны өдөр талбайн эзэн Тайланд Улсын багийн  эсрэг хийнэ.