Турк Улсын Анаталья хотод “Гранд слам” тэмцээний хоёр дахь өдрийн барилдаан өчигдөр өндөрлөв. Эрэгтэйчүүдийн 73 кг-ын жинд 62 бөх барилдсан. Дэлхийн аварга, олимпын хүрэл медальт, гавьяат тамирчин Цэнд-Очирын.Цогтбаатар “С” хэсэгт барилдлаа. Тэрбээр шөвгийн дөрөвт Германы Igor Wandtke-г нэмэлт цагт вазари үнэлгээгээр буулган авч  73 кг-ын жингийн алтан медалийн төлөө Италийн бөх Manuel Lombardo-той барилдав. Ц.Цогтбаатар Ломбардогийн хийсэн мэхэнд хараа гаргаж гар дээрээ тулж эргэн үнэлгээ алдаагүй юм. Гэтэл шүүгчид түүнийг толгой дээрээ тулсан гэдэг үндэслээр хансаку маки торгууль өгч, ялалтыг Ломбардоод заалаа.