Турк Улсын Антальяа хотод энэ сарын 31-нээс ирэх дөрөвдүгээр сарын 2-ны өдрүүдэд жүдо бөхийн гранд слам тэмцээн болно. Энэ удаагийн их дуулга тэмцээнд 85 орны эрэгтэй 351, эмэгтэй 266, нийт 617 тамирчин өрсөлдөх мэдүүлэг өгөөд байгаа аж.

       Манай улсаас эрэгтэйчүүдийн 60 кг-ын жинд Энхтайваны Ариунболд, Бямбажавын Цогт-Очир, 66 кг-д Ёндонпэрэнлэйн Басхүү, Баттогтохын Эрхэмбаяр, 73 кг-д Цэнд- Очирын Цогтбаатар, Батзаяагийн Эрдэнэбаяр, 81кг-д Гэрэлтуяагийн Болор-Очир, 90 кг-д Гантулгын Алтанбагана, -100 кг-д Батхуягийн Гончигсүрэн, +100 кг-д Одхүүгийн Цэцэнцэнгэл нар барилдана. 

     Харин эмэгтэйчүүдийн 48 кг-ын жинд Ганбаатарын Наранцэцэг, Бавуудоржийн Баасанхүү, 52 кг-д Лхагвасүрэнгийн Сосорбарам, 57 кг-д Лхагватогоогийн Энхрийлэн, Мөнхцэдэвийн Ичинхорлоо, 63 кг-д Болдын Ганхайч, 70 кг-д Баярбатын Баасанжаргал, Батсуурийн Ням-Эрдэнэ, +78 кг-д Амарсайханы Адъяасүрэн нар барилдах мэдүүлэг өгсөн байна.