Батболдын Төгсболд 2023 оны АНУ-ын спортын гимнастикийн мужийн аварга болжээ.  Тэрбээр Цагаригт дүүжин буюу “Rings” төрөлд хамгийн дээд оноо болох 11.5 авч алтан медаль, чөлөөт буюу “Floor” , харайлт буюу “Vault”, бариулт морь буюу “pommel horse” төрөлд мөн алтан медаль авчээ.

      Харин суга савлуур, турникийн төрөлд мөнгө медаль тус тус хүртсэн байна. Б.Төгсболд 2023 оны АНУ-ын Иллинойс мужийн Борвине хотод болсон гимнастикийн дөрөвдүгээр зэргийн ангилалд өрсөлдөж нийлбэр дүнгээр хамгийн өндөр буюу 65.3 оноогоор нэгдүгээр байранд шалгарч алтан медаль хүртэж мужийн аварга болсон байна.

      Б.Төгсболд АНУ-ын мужийн аварга болсноор энэ сарын 30-нд болох таван бүсийн тэмцээн “Region 5 competition” оролцох болзлоо хангасан байна. Б.Төгсболд 2021 оноос спортын гимнастикаар хичээллэж 30 гаруй тэмцээнд оролцоод байгаа аж.