Чөлөөт бөхийн “U17” насны 2023 оны улсын аварга шалгаруулах тэмцээн энэ сарын 16-наас 19-ний өдрүүдэд Сэлэнгэ аймгийн Сүхбаатар хотод болж өндөрлөлөө. Тус тэмцээнд 34 байгууллагын 500 гаруй тамирчин оролцсон байна.

        Энэ удаагийн улсын аваргаас “Алдар” Спорт хорооны МУГТ Г.Мандахнаран, МУГТ Б.Одончимэг дасгалжуулагтай баг, тамирчид нэг алтан медаль, долоон мөнгөн медаль, гурван хүрэл медаль хүртэж эрэгтэй багийн дүнгээр тэргүүн байр эзэлжээ. Харин охидын багийн дүнгээр гуравдугаар байр эзэлсэн байна. Мөн багийн улсын аваргын тэмцээнд эрэгтэй баг гуравдугаар байр эзэлсэн амжилттай оролцжээ.