Боксын эмэгтэйчүүдийн дэлхийн аварга шалгаруулах тэмцээн Энэтхэг Улсын Шинэ Дели хотод үргэлжилж байна. Манай улс эмэгтэйчүүдийн дэлхийн аварга шалгаруулах тэмцээнд нийт 12 хүний бүрэлдэхүүнтэйгээр оролцож байгаа билээ. Боксын ОУХМ О.Есүгэн маань 52 кг-ын жинд Тайланд Улсын боксчин, дэлхийн аваргын хүрэл медальт Тинтабтай Преедакмонтийг ялж өмнөх ДАШТ хариугаа авлаа. Өмнөх ДАШТ О.Есүгэн тус тамирчинтай медалийн төлөө таарч 3:2-ын харьцаатайгаар харамсалтай хожигдож байсан бол өчигдөр хариугаа авч 4:1-ийн харьцаатай оноогоор яллаа. Өнөөдөр 60 кг-ын жинд Т.Номин-Эрдэнэ, Япон Улсын тамирчин Айяка Тагүчитай тулалдана.