Чөлөөт бөхийн насанд хүрэгчдийн улсын аварга шалгаруулах тэмцээн гурав дахь өдрөө үргэлжилж байна. Өнөөдөр эмэгтэйчүүдийн 62 кг-ын жингийн нэгдүгээр тойргийн барилдаанд дэлхийн аварга Пүрэвдоржийн Орхон, дэлхийн аварга Сүхээгийн Цэрэнчимэдтэй таарч барилдсан байна. Тус барилдаанд С.Цэрэнчимэд, П.Орхоныг 11:1-ээр буулган авчээ.  

    Дэлхийн аварга С.Цэрэнчимэд шагналын таваа оноо, П.Орхон шагналын нэг оноо авсан аж. Харин хоёрдугаар тойргийн барилдаанд С.Цэрэнчимэд, Б.Хонгорзулд цэвэр ялагдсан байна. П.Орхон, С.Цэрэнчимэд, Б.Хонгорзул нар жиндээ гурвуулаа тойргоор барилдаж байгаа  гэнэ. Үдээс хойш П.Орхон, Б.Хонгорзул нарын барилдааны үр дүнгээс хамаарч 62 кг-ын жинд хэн түрүүлэх нь шийдэгдэх бололтой.