Сонсголын бэрхшээлтэй тамирчдын Ази, номхон далайн орнуудын анхдугаар" Чимээгүй наадам" гуравдугаар сарын 2-11-ний өдрүүдэд Киргизстан Улсын нийслэл Бишкек хотод боллоо.

        Жүдо, чөлөөт бөх, сонгомол бөх, таэквондо, каратэ гэсэн төрөлд болсон тус наадмын бөхийн төрөлд монголын дөрвөн тамирчин, дасгалжуулагч Э.Баттүшигийн удирдлага дор хүч үзснээс нэг алт, нэг мөнгө, гурван хүрэл медальтай эх орондоо ирэхээр болов.

            Тодруулбал, ОУХМ Намдагдоржийн Эрхэмбаяр чөлөөт бөхийн 65 кг-ын жинд алт, сонгомол бөхийн 67 кг-д хүрэл, Дашдоогийн Даваа-Очир чөлөөт бөхийн 70 кг-д мөнгө, ОУХМ Ширэндэвийн Батбаатар 86 кг-д хүрэл, Нансалмаагийн Бат-Эрдэнэ сонгомол бөхийн 77 кг-д хүрэл медаль тус тус хүртлээ.