"Монголын жүдо академи"-ийн тамирчин У.Энх-Учрал, У.Мөнх-Учрал нар жүдо бөхийн эрдэм ухаанд илүү гүн нэвтрэн суралцахаар Япон Улсыг зорилоо. Залуу тамирчид  “Наран улс”-ын Фүкүока хотын дунд сургуульд суралцахын зэрэгцээ жүдо бөхийн клубт хичээллэж бэлтгэл сургуулилалтаа хийх юм.

       Тэд анх 2018 онд "Монголын жүдо академи"-д элсэн орсон ихэр ах, дүүс билээ. Ихэрүүд өсвөр үеийн улсын аваргаас алт, мөнгө, хүрэл медаль хүртэж ирээдүйтэй авьяаслаг тамирчид болохоо батлан харуулсан юм.

       Жүдо бөхийн эх оронд амьдарч, суралцах хугацаандаа илүү ихийг мэдэж, өөрсдийгөө хөгжүүлж, өмнөө тавьсан зорилго мөрөөдлийнхөө төлөө хичээж мэрийнэ гэдэгт нь итгэлтэй байна.

Ташрамд дуулгахад Энх-Учрал, Мөнх-Учрал нарын маань ах Мөнгөн-Учрал 2022 оны зургаан сараас хойш мөн Япон Улсад суралцаж байгаа билээ. 2021 оны өсвөр үеийн УАШТ-ээс ах, дүү, гурвуулаа алтан медаль хүртэж багш дасгалжуулагчид, аав ээжийгээ баярлуулж байлаа.