Ази, Номхон далайн орнуудын өсвөрийн  “U18” хүртэлх насны хоккейн аварга шалгаруулах тэмцээн өчигдөр буюу энэ сарын 11-ний өдөр Монгол Улсад анх удаа зохион байгуулагдан эхэллээ. Тэмцээний эхний өдөр Монгол Улсын шигшээ баг Иран Улсын шигшээ багтай тоглож 5-0-ээр бут ниргэлээ..

        Тоглолтын шилдэг тоглогчоор Монгол Улсын шигшээ багийн довтлогч Э.Ариунбилэг хоёр гоолтойгоор тодорсон  байна. Эхний өдрийн тоглолтод Арабын Нэгдсэн Эмират Улс, Тайланд Улсын багийг 6:2-оор, Узбекистан Улсын баг, Туркменистан Улсын багийг 5:0-ээр, Монгол Улсын баг, Иран Улсын багийг 5:0-ийн харьцаатай оноогоор илүүрхэн буулган авч ялалт байгууллаа.

           Манай багийн дараагийн тоглолт өнөөдөр буюу энэ сарын 12-ны өдөр Арабын Нэгдсэн Эмират Улсын эсрэг 20:30 цагт болно. Энэ удаагийн Азийн аваргад Монгол, Иран, Тайланд, Туркменистан, АНЭУ, Узбекистан гэсэн зургаан орны баг тамирчид энэ сарын 17-ыг дуустал “Мөсөн өргөө”-д өрсөлдөнө.