Биатлоны өсвөр үе, залуучуудын дэлхийн аварга шалгаруулах тэмцээн Казахстан Улсын Шучинск хотод эхэллээ. Тус тэмцээнд манай улсаас зургаан биатлонч  оролцож байна. Залуучуудын эрэгтэй, эмэгтэй ганцаарчилсан төрлийн уралдаан болов. Манай улсаас эрэгтэйчүүдийн 15 км-ын индивидуэль төрөлд ОУХМ Энхбатын Энхсайхан уралдаж 21 дүгээр байрт оров.

             Э.Энхсайхан 20 сумнаас 5 (2+1+1+1) алдаж буудаж 47:51.3 цагийн амжилтаар 91 тамирчнаас 70-ыг ардаа орхиж 21 дүгээр байрт орсон байна. Энэ амжилт Монголын биатлончдын түүхэн амжилт гэж хэлж болно. Харин эрэгтэйчүүдээс Б.Анхболд 85 (2+2+1+3), эмэгтэйчүүдийн 12.5 км-ын ганцаарчилсан уралдаанд ОУХМ М.Должинсүрэн (2+1+1+4) 85 тамирчнаас 67 дугаар байрт оржээ.