Олон улсын таэквондогийн монголын холбооны Цол зэргийн зөвлөлөөс гаргасан хуваарийн дагуу улсын олон улсын хар бүс данын шалгалт,  улсын зэрэг тогтоох, бүсний шалгалтыг авлаа. Энэ удаагийн зэрэг, данын нэгдсэн шалгалт  энэ сарын 5-ны өдөр явагдав. Тус шалгалтад “Чоно” клубийн долоо, “Илд бамбай” клубийн 10, МҮИС ITF таэквондогийн клубийн 12, “Эрч хүч, урлаг спорт”  ССТ-ийн 102, “Дайчин ямухай” клубийн 15 тамирчин оролцов. Нийт таван клубийн 150 гаруй тамирчин хамрагдаж, улсын зэрэг олгох, өнгийн бүсний болон хар бүс, олон улсын 1-2 дугаар даны шалгалтаа амжилттай өглөө.