Олон улсын таэквондогийн монголын холбооны Шүүгчдийн зөвлөлийн 2023 оны төлөвлөгөөний дагуу энэ сарын 4-ний өдөр шүүгч, дасгалжуулагч нарт зориулсан семинар боллоо. Тус семинараар тулаан ба түлийн төрлийг шүүх шүүгчийн практик сургалтыг Шүүгчдийн зөвлөлийн дарга М.Ариунболд удирдан амжилттай зохион байгуулжээ.

           Дараагийн шүүгчийн семинарыг энэ сарын 31-ний өдөр  хосонсүль, онцгой техник, хатуу бие хугалах төрлүүдийг хэрхэн шүүх талаар практик сургалт зохион байгуулна. Мөн шүүгч хүний тодорхойлолт, эрх үүрэг, ёс зүй, хувцаслалтын талаар мэдээлэл өгнө.

        Тулаан, түлийн төрлийн тэмцээний дүрэм, шүүх шалгуур, оноо өгөх зарчим, шүүгчийн үндсэн чиг үүрэг /Ерөнхий, Дэвжээ, Булан, Цаг, Хэрэгсэл/ дэвжээний шүүгчийн заалт хөдөлгөөн, хэллэг зэргийг сургалтаар орно. Энэхүү семинарт клуб удирдаж буй багш, дасгалжуулагч, хар бүс олон улсын дантай тамирчид оролцоход нээлттэй.