“Монголын жүдо академи”-ийн шилдэг тамирчид болох Х.Ариунтунгалаг, Б.Батсувд, Ч.Батцэцэг нар жүдо бөхийн спортын дэд мастерийн үнэмлэх, тэмдгээ гардан авлаа. “Монголын жүдо академи”-д 2016-2018 онуудад элсэн орсон эдгээр тамирчид Монгол Улсын өсвөр үеийн УАШТ-ээс сүүлийн гурван жил дараалан алт, мөнгөн медалиуд хүртсэн бахдам амжилтыг үзүүлээд байгаа юм.

        Мөн ОХУ, Японд зохион байгуулагдсан олон улсын тэмцээнүүдэд ч амжилттай оролцож эх орныхоо төрийн далбааг мандуулаад амжсан авьяаслаг залуу тамирчид.  Тэд “Жүдо академи”-ийн багш нараасаа  спортын дэд мастерийн үнэмлэх, тэмдгээ гардан авахдаа тэд цаашид илүү их хичээж, Монгол Улсын нэрийг дэлхийд дуурсгаж, төрийн дууллыг олонтоо эгшиглүүлсэн сайн тамирчид болохоо хэллээ.