• Өнөөдөр 2025-06-04

Виртуал спортын хөгжлийг дэмжих фестивал болно

2023-03-03,   111

     Олон улсын олимпын хороо “2020+5” хөтөлбөрийн зөвлөмжийн дагуу “И-спорт”-ын долоо хоногийг анх удаа зохион байгуулах гэж байна. Зургадугаар сарын 22-25-ны өдрүүдэд Сингапур Улсад болох энэхүү арга хэмжээ нь виртуал спортын хөгжлийг дэмжих зорилготой юм.

     Дөрвөн өдрийн турш үргэлжлэх фестивалийн үеэр виртуал спортын хөгжлийг олон нийтэд таниулж, хамгийн сүүлийн үеийн технологийн хөгжлийг харуулахаас гадна төрөл бүрийн хэлэлцүүлэг өрнүүлж, боловсролд зориулсан хөтөлбөр хэрэгжүүлж, үзүүлэн тоглолтууд хийнэ.

      ОУОХ-ноос “И-спорт”-ын фестивалийг угтаж цуврал тэмцээнүүдийг дэлхий даяар онлайнаар зохион байгуулахаар төлөвлөж байна. Цуврал тэмцээнүүд гуравдугаар сарын 12-наас тавдугаар сарын 15-ны хооронд үргэлжлэх бөгөөд мэргэжлийн болоод сонирхогч хэн бүхэн оролцох боломжтой.

     Эдгээр цуврал тэмцээнээс шалгарсан шилдэг 150-200 оролцогч Сингапурт болон финалын тэмцээнд оролцох эрхээ авах юм. Виртуал тэмцээнийг спортын 11 төрлөөр зохиох бөгөөд одоогоор есөн төрөл нь тодорхой болоод байна. Үүнд байт харваа, бейсбол, шатар, дугуй, бүжгийн спорт, мото спорт, дарвуулт завь, таэквондо болон теннис зэрэг болно.

 

 


Виртуал спортын хөгжлийг дэмжих фестивал болно
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2025 © Зохиогчийн эрх хуулиар хамгаалагдсан. Мэдээлэл хуулбарлах хориотой.