• Өнөөдөр 2022-09-29

ШИНЭ НОМ: "ДҮҮЛЭН НИС"

2022-09-19,   222

        Амжилт, хувь хүний хөгжлийн талаарх ном олон бий. Тэгвэл амжилтын талаар мөртлөө арай өөр агаартай "Дүүлэн нис" ном уншигчдын хүртээл боллоо. Энэхүү номын өмнөтгөлд "...Амьдралд сөхрөөд буугаад өгмөөр яг ийм өдрүүдэд бодит түүх л урам зориг авах гэдгийг ойлгуулдаг аж. Бодит учраас энгийн бас үнэн. Үүнээс хэн нэгний өөрөө ч хэрэгжүүлдэг эсэх нь эргэлзээтэй зөвлөгөө сургамж чухал биш гэдгээс уг номыг олон нийтэд хүргэх эхлэл тавигдсан юм...Урам зориг гэдэг "зүрх сэтгэлдээ би чадах юм байна, энэ асуудлыг би шийдээд, даваад гарна гэсэн хатуу хүчтэй итгэл" тээхийг хэлдэг. Сэтгэлзүй ийм хүчтэй болсон цагт ямар ч бэрхшээлийг даван туулах, шийдэх боломжтой болдог билээ" гэж бичжээ. Үүгээр үндсэндээ тус номын агуулга, ямар жин бантай бүтээл байгааг онцлон харж болох юм.                                                                                                                                                                                                                                                                                 

       -МАНГАСЫН ТУХАЙ ЯРИА-

    -Стивен Кинг багаасаа л бичих дуртай нэгэн байсан бөгөөд цаг үргэлж зохиол бичиж хэвлэлийн газрууд руу илгээсэн ч дандаа татгалзсан хариу авдаг байжээ. Хэдий тийм ч  тэр бууж өгөлгүй үргэлжлүүлэн бичсэнийхээ ачаар анхныхаа зөвшөөрсөн хариуг авч амжилтын гараагаа эхлүүлсэн тухай өгүүлдэг. Тэрээр мэрийсний эцэст амжилтын тавцанд гарсан ч алдаж эндсэн удаатай.  Өглөө бүр ажлын өрөөндөө авдар шар айраг авч ороод гарахдаа арван хуудас зохиол, тэр тооны хоосон лааз үлдээдэг болсон ч эргээд ахиж хэвийн амьдралдаа орж чадсан талаар тодорхой дурдсан. Энэ нь амжилт бүтээл, алдаа онооны цаана дуртай зүйлээ орхилгүй цаг үргэлж  хөдөлмөрлөвөл хэзээ нэг өдөр арга нь олддог гэсэн санааг энэхүү жишээнд тодотгосон байдаг.

                 - ГУНИГТ ТҮҮХҮҮДИЙН ТӨГСГӨЛ-

          -“Emmy Awards”хүртэж, “Немогийн эрэлд” хүүхэлдэйн киноны Дори загасны дүрд дуу оруулж, дэлхийд алдартай  “Ellen DeGeneres” шоуг үүсгэн байгуулсан алдартан Эллений түүхийг ч бас алган дээр тавьсан мэт зураглан харуулдаг. Тэрээр балчир насныхаа хар бараан дурсамж, ядуу зүдүү амьдралаас уйгагүй хөдөлмөрлөсний эцэст алдартай нэгэн болж чаддаг талаар жишээг нарийн дүрсэлдэг.  Эллен өөрийн босгож чадсан амжилтын өндөрлөгөөс ижил хүйстэн гэдгээ зарласнаар бусдын хараалын үгээр бөмбөгдүүлж хэн ч биш болсон тухай. Аз гэдэг зүйл өөрөөс нь цаг ямагт зугтаж буй мэт санагдаж байсан ч  бууж өгөөгүй талаар тодорхой дурддаг.

       Энэхүү номд нийт  30 эрхмийн тухай бодит түүх багтсан байгаа бөгөөд дээр бид зөвхөн хоёрыг нь онцлон дурдлаа. Цаашлаад, Ник Вуйчич, Терри Фокс, Эд Шийран, БруноМарс, Селена Гомез, Терри Фокс, Сливтэр Сталлоне, Ники Минаж, Жим Керри, Уитни Вулф Хёрд, Стивен Спилберг, Салик, Двайн Вэйд, Роберт Дауни, Кас Д Амато, Жоане Роулинг, Макгрегор, ЧарлизТерон, Петр Динклэйж, Ник Вуйчич, Каспоров, Зэндая, Арнолд Шварценггер Аделе, И Жи Юи буюу “IU” Патрик Жейн зэрэг олон түүх бий. 

    Хэний ч мэдэгдэхгүй утгагүй их заавар зөвлөгөө, шүүлтүүргүй их амжилтын тухай номоос илүү бидний мэдэх алдарт эрхмүүдийн бодит түүхээс бид амьдралдаа сургамж авч, үлгэр дуурайлал авах нь илүү нөлөөтэй гэсэн гол агуулгыг зорилгоо болгосон энэхүү ном уншигч таны зөв сонголт байна гэдэгт итгэлтэй байна.

 

 


ШИНЭ НОМ: "ДҮҮЛЭН НИС"
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188