Өнгөрсөн мягмар гарагт Их Британи Улсын “Таймс” сонинд “ Суссексийн гүнж Меган ажилтнуудаа дарамталдаг байсан” гэсэн утгатай мэдээ гарчээ.

2018 онд Их Британийн Хааны ордны нэрээ нууцалсан туслахууд “Гүнж Меган хэд хэдэн ажилтнаа дээрэлхсэн” хэмээн гомдол гаргасан бөгөөд уг хэргийг Букингемийн ордон шалгана гэв.

Уг нийтлэлд “Гүнж Меган Кенсингтоны ордонд байхдаа хувийн хоёр ажилтнаа хөөн гаргаж, гурван ажилтныг дээрэлхдэг байсан” гэжээ.

Букингемийн ордон энэ хэрэгт маш их санаа зовж байгаагаа илэрхийлсэн бөгөөд “Хүний нөөцийн баг нийтлэлд дурдагдсан шиг дарамтлах асуудал байсан эсэхийг шалгана. Мөн тухайн үед ажиллаж байсан ажилтнууд болон хөөгдөж гарсан гурван хүнийг урьж шалгана” гэжээ.

Өнгөрсөн жилийн нэгдүгээр сард ханхүү Харри, гүнж Меган нар хааны гэр бүлийг орхиж, “Эргэж ирэхгүй” хэмээн мэдэгдэн Хойд Америк руу нүүсэн билээ. Тэд удахгүй хоёр дахь хүүхдээ өлгийдөн авах гэж буйгаа зарласан юм. 

Эх сурвалж: CNN