Токиогийн Олимпын хорооны дарга Ёширо Мори өнгөрсөн долоо хоногт эмэгтэйчүүдэд хандсан зохимжгүй үг хэлсний төлөө шүүмжлэлд өртсөн юм.  83 настай тэрбээр "Эмэгтэйчүүд маш их ярьдаг учир эмэгтэй удирдах зөвлөлийн захирлуудтай уулзахад цаг их авна" гэж хэлсэн байна. Түүний энэ үг олон нийтийн эсэргүүцлийг дагуулсан бөгөөд хэлсэн үгэндээ уучлал гуйсан ч огцрохгүй гэдгээ мэдэгдээд байсан юм.

Харин баасан гарагт Ёширо Мори "Долдугаар сард Олимп болох нь чухал. Миний суудлаа өгөх үүнд саад болж болохгүй" хэмээн огцрохоо мэдэгдсэн байна. Япон Улсын Ерөнхий сайд асан Моригийн оронд одоогоор хэн томилогдох нь тодорхойгүй байна.