"Дрийм" зочид буудалд тусгаарлагдаж байсан 14 иргэн хоолны хордлого авч, ХӨСҮТ рүү хүргэгдсэн байна. Уг зочид буудлын ресепшний хэлж буйгаар өчигдөр шөнө 01.00 цагийн үед хордлого авсан иргэдийг ХӨСҮТ рүү хүргэжээ.Түүнчлэн зарим эх сурвалж "Хордлогонд орсон хүмүүсээс биеийн байдалд нь хүнд байгаа 20 хүнийг ХӨСҮТ рүү хүргэсэн. "Дрийм" зочид буудалд тусгаарлагдаж байгаа бусад хүн мөн хоолны хордлогонд орсон бөгөөд биеийн байдал нь гаагүй байгаа учраас зочид буудалд нь үлдээсэн" гэх мэдээллийг өгч байна. 

Энэ талаар ХӨСҮТ-ийн Хэвлэл мэдээллийн албанаас тодруулахаар холбогдоход "Бидэнд мэдсэн зүйл алга. Холбогдох хүмүүсээс асууж, мэдээд үнэн бол мэдээлэл өгье" гэсэн юм. Харин ЭМЯ-наас "14 иргэн хоолны хордлогын улмаас ХӨСҮТ-д хүргэгдсэн нь үнэн. Яг ямар шалтгаанаар, юунд хордсон болохыг одоогоор шууд хэлэх боломжгүй. Хариу 72 цагийн дараа гарна" гэх мэдээллийг бидэнд өглөө. 

"Дрийм" зочид буудалд өнгөрсөн наймдугаар сарын 29-нд Сидней-Улаанбаатар чиглэлийн тусгай үүргийн нислэгээр ирсэн 20 хүнийг тусгаарлаж байжээ. Уг зочид буудалд тусгаарлагдаж буй иргэн “Өчигдөр овоо гайгүй махтай хоол байна гэж л бодсон. Ер нь махны чанар муутай байдаг. Шөнө 23:00 цаг өнгөрч байхад хоолны хордлого авсан. ХӨСҮТ рүү хүргэгдсэн хүмүүсийн нэгээс нь зочид буудлын нэг ажилтан дотуур утсаар холбоод “Гэдэс чинь өвдөж байна уу. Яаж байна” гэж хоёр дахин асуусан” гэлээ. Мөн ХӨСҮТ рүү хүргэгдсэн иргэдэд өмнөх өдөр нь буюу ням гарагт ногоотой шөл өгсөн бөгөөд үүнээс хордлого авсан байж болзошгүй байгаа аж. Бид энэ талаар эргэн мэдээлэх болно.