Мөнгөний нийлүүлэлт 53.4 их наяд төгрөгт хүрч, жилийн дүнгээр 26.6 хувиар өслөө

2026-07-21, 93

Монгол Улсын мөнгөний нийлүүлэлт (М2) 2026 оны зургаадугаар сарын урьдчилсан гүйцэтгэлээр 53.4 их наяд төгрөгт хүрч, өмнөх оны мөн үеийнхээс 11.2 их наяд төгрөгөөр буюу 26.6 хувиар өссөн байна.

Үндэсний статистикийн хорооноос мэдээлснээр энэхүү өсөлтөд төгрөгийн хадгаламж 5.9 их наяд төгрөгөөр (26.3 хувь), төгрөгийн харилцах дансны үлдэгдэл 2.8 их наяд төгрөгөөр (29.3 хувь), валютын харилцах дансны үлдэгдэл 2.7 их наяд төгрөгөөр (75.4 хувь) нэмэгдсэн нь голлон нөлөөлжээ.Мөн 2026 оны зургаадугаар сарын эцсийн урьдчилсан байдлаар аж ахуйн нэгж, иргэдэд олгосон зээлийн өрийн үлдэгдэл 49.3 их наяд төгрөгт хүрсэн байна. Үүнээс 2.5 их наяд төгрөг нь чанаргүй зээл, 1.2 их наяд төгрөг нь анхаарал хандуулах ангиллын зээл байгааг Үндэсний статистикийн хороо мэдээллээ.Харин зургаадугаар сарын валютын сарын дундаж ханшаар нэг ам.доллар 3576.65 төгрөг, нэг евро 4117.99 төгрөг, нэг юань 527.86 төгрөг, нэг рубль 48.40 төгрөгтэй тэнцэж байв.

Дээрх үзүүлэлтүүд нь 2026 оны зургаадугаар сарын урьдчилсан гүйцэтгэлийн мэдээлэл болохыг Үндэсний статистикийн хороо онцолсон байна.

Мөнгөний нийлүүлэлт 53.4 их наяд төгрөгт хүрч, жилийн дүнгээр 26.6 хувиар өслөө

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0

Шинэ мэдээ

Нийтлэлчид