Сонгинохайрхан дүүргийн Эмээлт, Тахилт орчимд газар хөдөлсөн талаарх мэдээлэл цахим сүлжээнд цацагдаад буй. Энэ талаар Одон орон, геофизикийн хүрээлэнгийн Газарзүй геоэкологийн газрын мэргэжилтэн М.Долгормаагаас тодруулахад “Нийслэлд өнөөдөр газар хөдлөлт бүртгэгдээгүй. Харин 13:06 цагт Эмээлт орчимд уул уурхайн компани тэсэлгээ хийсэн. Үүнээс үүссэн чичирхийлэл иргэдэд мэдрэгдсэн байна. Манайх ганцхан газар хөдлөлт биш, уул уурхайн тэсэлгээ, хол, ойр болсон хөдөлбөрүүдийг бүгдийг нь бүртгэж авдаг. Одоогоор газар хөдлөлт бүртгэгдээгүй байна” гэлээ.

Иргэдийн ярьж буйгаар хайрга, дайрганы үйлдвэр тэсэлгээ хийж, хүчтэй чичирхийлэл мэдрэгдсэн гэнэ.