Ардчилсан намын даргын сунгаа боллоо. Энэ сунгаанаар Ардчилсан нам албан ёсны хоёр даргатай болж буй. 22:00 цагт С.Эрдэнэ нарын зохион байгуулсан сунгааны дүн гарч, тэдний фракцаас М.Тулгат олонхийн санал авч, ялалт байгуулаад байна. Тус сунгаанд 30077 гишүүн цахимаар санал өгсөн бөгөөд Л.Гүндалай 898,58, Ц.Уртнасан 1020,86, Ч.Өнөрбаяр 1479,33, Ц.Оюунгэрэл 2067,21, М.Тулгат 2134,01 хувийн санал авчээ.

        Сонгуулийн дүн гарсны дараа М.Тулгат “Би ялсан ч ялагдсан ч АН-ын төлөө бүх зүрх сэтгэлээ зориулна гэж бодсон байсан тул миний хувьд дүн яаж гарах нь чухал биш гэж бодож байсан. Надад итгэл хүлээлгэсэн гишүүддээ талархаж байна. Ардчилалд хайртай нийт монголчуудын итгэл гэж бодож байна. Монголын ардчилал 30 жилийн түүхтэй залуу ч гэлээ би хар багаасаа ардчиллын гэр бүлд төрж өссөн. Тэр утгаараа "даанч дээ Ардчилсан нам минь" гэдэг үгийг олон удаа сонссон. Тэр хүмүүсийн итгэлийг эргээд намдаа авч ирэхийн төлөө зүтгэнэ. Өнөөдөр АН хүнд нөхцөл байдалд байна. Өмнө нь дүүргийн болон иргэдийн төлөөлөгчдийн сонгуульд ялалт байгуулж байсан ч энэ удаа үндэсний хэмжээний намын дарга боллоо. Тэгэхээр энэ цаг мөчөөс М.Тулгат хувь хүн биш Монголын ардчиллын төлөө, парламентын ардчиллын төлөө явах болно. Хамт баг болж ажилласан нэр дэвшигчид, штабынхандаа баярлалаа. Та бүхний итгэлийг алдахгүй зүтгэх болно” хэмээлээ.