УИХ-ын гишүүн асан Г.Солтаныг ерөнхийлөгчийн уучлалаар сулласан гэх мэдээлэл гарсан. Энэ талаар ШШГЕГ-ын Хэвлэл мэдээлэл, олон нийттэй харилцах хэлтсийн ажилтнаас тодрууллаа. Тэрбээр “Г.Солтаныг суллах зарлиг өчигдөр гарсан” гэв. УИХ-ын гишүүн асан Г.Солтанд нийслэлийн Баянзүрх дүүргийн Эрүүгийн хэргийн анхан шатны шүүхээс гурван жил хорих ял оноосон байдаг. Түүнийг УИХ-ын гишүүнээр ажиллаж байхдаа “Монгол шаазан” ХХК-д 950 сая төгрөгийн зээл авч, өөрийн гэр бүлдээ давуу эрх олгож, эрх мэдэл, албан тушаалаа урвуулан ашигласан гэх үндэслэлээр буруутгасан юм. Монгол Улсын Ерөнхийлөгч Наурызын баярыг тохиолдуулан зурагт, зуух, гар утас хулгайлсан гэх мэт анх удаа хөнгөн гэмт хэрэг үйлдсэн нэр бүхий казах иргэдэд уучлал үзүүлжээ. Үүний нэг нь УИХ-ын гишүүн асан Г.Солтан байж магадгүй юм.