Өнөөдөр НИТХ хуралдаж ашиглалтад ороогүй цахилгаан станцыг тойрсон асуудлаар хэлэлцжээ. Хуралд оролцогсод ноогдол ашиг хуваарилах төвлөрүүлэх сэдвийн хүрээнд дараах мэдээллийг өгсөн юм. 

НИТХ-ын төлөөлөгч Н.Мандуул: Станц нь ашиглалтанд ороогүй байхад ноогдол ашиг авах нь ямар учиртай юм бол

    Тэрбээр “Нийтдээ 18 компанид ноогдол ашиг хуваарилж байгаа. Дулааны V цахилгаан станц орон нутгийн өмчит аж ахуйн тооцот  үйлдвэрийн газар 63 сая төгрөгний ноогдол ашиг хуваарилах гэж байна. Оюутолгой арван хэдэн жил ашиглалтанд орчхоод ноогдол ашигаа авж чадахгүй яваад байдаг. Гэтэл Станц нь ашиглалтанд ороогүй байхад ноогдол ашиг аваад байгаа нь ямар учиртай юм бол” хэмээв.

Нийслэлийн Өмчийн харилцааны дарга В.Оюумаа: Энэ жил өмнөх онуудаас хоёр дахин ашигтай ажилласан

  Тэрбээр “Нийслэлийн Өмчийн хорооны газраас нийтдээ ашигтай ажилласан 18 хуулийн этгээдийн ноогдол ашиг төвлөрүүлэх асуудлыг танилцуулж байгаа. Өнгөрсөн онд үйл ажилгаанаас олсон орлого, зардал бууруулсан байдал, өр төлбөр барагдуулсан зэрэг. Ноогдол ашиг төвлөрүүлхээр оруулж байгаа. Энэ санал цэвэр ашигаас ноогдол ашиг төвлөрүүлэхээр танилцуулагдаж байгаа. Эдгээр байгууллагууд аудитлагдсан тайлангаас цэвэр ашигтай ажилласан тайлангаараа уг дүнг танилцуулж байгаа. Ноогдол ашиг төвлөрүүлэх гэдэг нь Төслийн тухай хуулийн 23-т зааснаар татварийн бус орлого юм. Төрийн орлого төвлөрүүлхэд зайлшгүй шаардлагатай буюу хуульчлагдсан орлого байгаа. Тийм учраас энэ асуудлыг НИТХ-д танилцуулдаг учир өнөөдөр энэ агуулгаар танилцуулга хийж байгаа.

     Тухайлбал дулааны V цахилгаан станцын аудитлагдсан тайлан дээр ашигтай ажилласан тайлангаа ирүүлсэн байгааг хэлье. Энэ жил өнгөрсөн оныг бодвол аж ахуйн үйлдвэрүүд хоёр дахин ашигтай ажилласан байгаа. Өнгөрсөн жил есөн байгууллага ашигтай ажилласан. Үүнээс гадна  энэ жилийн хувьд хамгийн их өр, авлагаа барагдуулж чадсан нийтдээ 64 тэрбум төгрөгийг алдагдлыг бууруулж чадсан ололттой жил байлаа. Тиймээс энэ жилийн ноогдол ашгийг төвлөрүүлэлт бол 20 хувиар тооцох саналыг оруулж ирсэн байгаа. Энэ хувь хэмжээг өөрчлөх эрх НИТХ-д бүрэн байгаа. Өөрөөр хэлбэл энэ 20 хувийг өсгөх, бууруулах боломж эрхэм төлөөлөгчдөд бий. Харин бууруулахдаа хамгийн доод хязгаар 15 хувиас доош тогтоож болохгүй гэдгийг хэлэхийг хүсэж байна. Бид 2025 оны ноогдол ашгийг  төвлөрүүлэх дээд хязгаарыг хоёр тэрбум байхаар тусгасан. Тэгвэл энэ жилийн хувьд 20 хувь төвлөрүүлэхэд 3.3 тэрбум төгрөг нийслэлийн төсөвд төвлөрхөөр байгаа.

Нийслэлийн Засаг даргын орлогч Б.Мөнхбат: Хотын даргатай байгуулсан гэрээний хүрээнд ашигтай ажилласан

      Тусгайлсан V цахилгаан станцын асуудал дээр 2025 оны санхүүгийн жилтэй холбоотой асуудал байгаа. Тодруулбал, цахилгаан станц маань гүйцэтгэл дээрээ захиалгчийн хяналтыг гүйцэтгэж байсан. Үндсэндээ Хотын даргатай байгуулсан гэрээний хүрээнд жилийн бизнес төлөвлөгөөний хүрээнд ашигтай ажилласан байгаа. Энийг л онцолж оруулж байгаа юм.  

Ц.Уранцэцэг