УИХ-ын гишүүн С.Одонтуяа: Өчигдөр Баян-Өлгий аймгийн Засаг дарга Е.Зангарыг үүрэгт ажлаас нь чөлөөлсөн. Ардчилсан нам үүнийг эсэргүүцэж байна. МАН-ынханд эрх мэдэл багадаагүй. Есөн дүүрэг, ихэнх аймагт та нар засаглаж байгаа. Сөрөг хүчнээс засаглаж байгаа цөөн тооны аймгийг та нар оролдож, Ардчилсан намын засаглаж байгаа аймгийн Засаг даргыг нь огцруулаад, ажил хийх боломжгүй болгож байгааг бид эсэргүүцэж байна. Та нарт эрх мэдэл багадаагүй. Эрх мэдэлд хэтэрхий их шунавал юу болдгийг та нар мэднэ. Ардчилсан намыг, ард түмнийг битгий бас. Энэ хүн сая шүлхий өвчинтэй холбоотойгоор өдөр шөнөгүй ажилласан. Энэ хүнд хариуцлагын ямар нэгэн асуудал байхгүй. Харин ЗДТГ-ын дарга нь бүтэц, орон тооны болон захиргааны асуудалд алдаа гаргасан. Гэтэл ийм алдаа гаргасных нь төлөө эрүүгийн ял шийтгэл өгөхөөр улайрч байгаа. Энэ бол улс төрийн захиалгатай хэрэг шүү гэдгийг хэлмээр байна. МАН-ынханд хийх ажил маш их байна. Ард түмний амьдрал өдрөөс өдөрт доройтож байна. Би гадуур явж, дэлгүүр орж үзлээ. Иргэдийн орлого зогссон. Зөвхөн үндсэн нэр төрлийн хүнсний бүтээгдэхүүнээ л худалдан авч байгаа болохоос биш бусад бараа бүтээгдэхүүн авахаа больсон байна. Гадуур түрээслэж байгаа лангуу, хувийн хэвшил, аж ахуйн нэгжүүд хаалгаа барьж байна. Тийм учраас гадуур сайн явж үзээчээ. Хаа байсан Баян-Өлгийд ажлаа сайн хийж байгаа Засаг даргийг огцруулахаа боль гэж Ерөнхий сайдад хэлмээр байна. Ард түмнийхээ амьдралыг дээшлүүлэх үндсэн ажлаа хий гэж хэлье. Мөн та бүгд орон нутагт эрх мэдлээ улам нэмэгдүүлэх ажлаа хийж байгаа бол бид нар зүгээр суухгүй шүү гэдгээ мэдэгдэе.