Монгол Улсаас Франц Улсад суугаа Элчин сайдын яамны ажилтнууд Испанийн Хаант Улсын Сан-Себастиан хотод ажиллаж, тус бүс нутагт оршин суугаа Монгол иргэддээ 2026 оны дөрөвдүгээр сарын 25-26-ны өдөр төрийн үйлчилгээ үзүүлсэн байна.

   Консулын үйлчилгээний зорилго нь ЭСЯ-наас алслагдсан орон нутагт амьдарч буй иргэдийн цаг хугацаа, зардлыг хэмнэх, тэдэнд тулгамдаж буй асуудлыг шийдвэрлэхэд оршиж байжээ.

   Энэ удаа гадаад паспортын захиалга, итгэмжлэл, иргэний бүртгэл, гэрлэлтийн бүртгэл болон бусад бусад лавлагаа олгох, зөвлөгөө мэдээлэл өгөх зэрэг үйлчилгээг 80 шахам иргэдэд газар дээр нь үзүүлсэн байна.

   Консулын хэлтсийн үйлчилгээний ажилд Сан-Себастиан хот дахь монгол иргэдийн “Acimon PV” холбоо, тус хотын засаг захиргааны төв байгууллага туслалцаа дэмжлэг үзүүлсэнд ЭСЯ- талархаж байгаагаа илэрхийлжээ.