Монгол-Польшийн эм ханган нийлүүлэлтийн байгууллагууд парламентын бүлгийн айлчлалын хүрээнд хамтын ажиллагааны замын зурагт гарын үсэг зурлаа. Монголын мэргэжилтнүүдийг сургах, ургамлын гаралтай уламжлалтын эм, нэмэлт бүтээгдэхүүнийг Европын зах зээлд гаргах, Польшоос нэн шаардлагатай эм, хэрэгсэл авах зэргээр хамтарч ажиллах боломж өргөн байна. Парламентын бүлгийн айлчлалыг эм, уурхай, газар тариалангийн салбарын бизнес уулзалтаар баяжуулж зохион байгуулав.