Н.Багабанди: "Оюутолгой" ХХК-ийн ТУЗ-ийн Монголын талын гурван гишүүн эцсийн шийдвэрт нь нөлөөлж чаддаггүй байсан

2025-12-12, 702

Оюутолгойн нээлттэй сонсгол өнөөдөр гурав дахь өдрөө үргэлжилж байна. Сонсголын талаар Ерөнхийлөгч асан Н.Багабандиас тодрууллаа. Тэрбээр "Энэ сонсголыг үр дүнтэй болно гэж бодож байгаа. Сонсголд оролцож байгаа УИХ-ын гишүүд судалгааг сайн хийж, баримт материалуудыг цуглуулсан байна. Зарим хүмүүс “Ихэнх баримт бичгүүд нь нууцын тамга тэмдэгтэй. Олон түмэнд нээлттэй болгоход бэрхшээлтэй байна” гэдгийг хэлж байна. Гэхдээ судалж үзэх хүмүүс нь ил, далд нууцын материал гэхгүйгээр судалж үзээд өөрсдийн үнэлэлт дүгнэлтийг хийн, шинжээчийн дүгнэлтийг гаргах ёстой. Би Оюу толгойн ТУЗ-д арав гаруй жил ажилласан. Бидэнд Засгийн газраас Оюу толгойн бүтээн байгуулалтыг хийх үүрэг өгсөн. Энэ арав гаруй жилийн хугацаа бол бүтээн байгуулалтын он жилүүд өрнөсөн. Одоо Оюун толгойн бүтээн байгуулалт дуусаж байна. Өөрийн санхүүжилтээр явуулах боломж нь бүрдэж байна. Бүтээн байгуулалтыг хийхгүйгээр үр ашиг, татвар, ажиллах хүчний тухай ойлголт байхгүй. Оюу толгойн үр ашгийн үе эхэлж байна. Түүнийг сайн ашиглаасай гэж хүсэж байна. Оюу толгойд Монгол Улсын эрх ашгийг хамгаалах, бүтээн байгуулалт хийх үүргээ хангалттай хэрэгжүүлсэн гэж үзэж байна" гэв.

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 3

Сэтгэгдэл үлдээсэн: 2025-12-13 10:48:38

Иргэн: Багабанди юугаа хийгээд суудал манаад суугаад байсан юм бэ. Монгол улс чамд өргүй чи л ард түмэндээ маш их өотэй буцах нь дээ
Сэтгэгдэл үлдээсэн: 2025-12-13 10:48:37

Иргэн: Багабанди юугаа хийгээд суудал манаад суугаад байсан юм бэ. Монгол улс чамд өргүй чи л ард түмэндээ маш их өотэй буцах нь дээ
Сэтгэгдэл үлдээсэн: 2025-12-12 21:03:21

Dd: Chaddaggui baisan yum bol chaddag hun(yadaj angli hel cheleetei ezemshsen) metgeltseh medlegtei hund ajlaa etch boloogui yum uu? khentii geech erhem eeriigee chini baij bai geed baisan yum boloo